يا نبع صافى من الحنان

يا حضن دافي كله أمان

يا هدية من الرحمن

يا أوفى قلب

واصدق حب

محتاجة لك يا أمي تضميني

في حضنك وتحميني

من غربتي وسنيني

تعبت يا أمي من الغربة

ياما عشت فيها أيام صعبة

نفسي ارجع لحضنك واللمة

ياما تعبتي يا أمي معايا

وشيلتى همي وشقايا

ولا عمرك قلتي كفاية

علمتينى أشيل المسئولية

وأحارب لأجل القضية

ولا يوم أقول وأنا مالي

أنا ليه اشغل بالى

نفسي أكون وياكي في عيدك

وأهديكي ألف بوسة وبوسة على خدك وأيدك

قلم / عبير محمد