نسيت أنساكي
وأنسي أني في يوم
فكرت في هواكي
مع إني كنت عارف
انك مش ممكن تكوني ليا
ولا يمكن أكون أنا ليكي
حبك كان وهم أنا عشته
صدقته لحظة
وقلت يمكن يكون حقيقة
بس كنت من جوايا مش مصدقك
ولا مصدق نفسي إني بعشقك
وعارف إني بجاريكي في حبك
وأنا في الأصل بخدعك..!!
عايش حلمي جواكي
وعامل نفسي مصدقك..!!
وأنا من جوايا مش قادر أهواكي
بس برضه ماشي ورا هواكي
عايش بحلم بيوم لقاكي
مستني في كل لحظة رضاكي
ولما بعدتي عني..
حسيت كأني..
فقدت شيء غالي
غضبت
ثورت
وثارت كل أعصابي
لكني في الأخر عقلت
وعرفت إني خسرت
قلب ما يستاهلش البكا عليه
ولا دمعة واحدة تنزل ندم عليه

وفاتت الأيام
وعرفت غيرك كتير
ويمكن عشقت غيرك تاني
بس برضه لقتنى فاكرك
وفاكر لحظاتنا سوا
لكن أزاي معرفش..؟؟
يمكن لأنك الوحيدة
اللي قولت لي بحبك
وأنا حبيت أعيش الحلم
رغم أنه حلم
وكان لازم ينتهي..
وساعتها حسيت
إني فعلا نسيت أنساكي
وكأن هواكي
رغم إني ما عشتوش
بقى صعب أنساه
وكأنه وكما يقولون
قد تنسى يوما حبيب
لكنك لا تنسى هواه
وقد تتحول أيامه إلي ذكرى
لكنك لن تكره تلك الأيام
وها أنا أذكرك
رغم انكي صرتي
بالنسبة لي..
مجرد..... ذكرى..!!

أشعار / ماجد إبراهيم